کنداپور16/اگست (ایس او نیوز) گنگولی پولیس اسٹیشن کے حدوود میں ناڈا گُڈے انگڈی کے علاقے کی ایک ندی میں گر کر لاپتہ ہونے والے پوسٹ مین رابرٹ بانز کی لاش جمعہ کے دن صبح میں گنگولی کے ہی کالی ہیتلومیں دستیاب ہوئی ہے۔
یاد رہے کہ 14اگست کو ڈاک تقسیم کرنے کے لئے ناڈاگڈے انگڈی کی طرف جانے والا رابرٹ اچانک غائب ہوگیا تھا۔ اس کا اسکوٹر ندی کنار ے پارک کیا ہوا ملاتھا جبکہ اس کی چپلیں ندی میں تیرتی ہوئی پائی گئی تھیں۔ اسی سے اندازہ لگایا گیا تھا کہ تیز ہواؤں کی وجہ سے رابرٹ کا توازن بگڑگیا ہوگا اور وہ پھسل کرندی میں گرگیاہوگا۔
گنگولی پولیس اسٹیشن میں رابرٹ کی گم شدگی کاکیس درج کردیا گیاتھا۔ آج لاش برآمد ہونےکے بعد لاش کو پوسٹ مارٹم کے بعد اس کے وارثین کے حوالے کیا گیا۔